गुढीपाडवा 2023 : गुढी उभारण्याचा सकाळचा मुहूर्त हुकला तर…; कधी कराल पूजा?

साडेतीन शुभ मुहूर्तापैकी एक म्हणजे गुढीपाडवा असल्याने हा दिवस अतिशय शुभ मानला जातो. या कोणत्याही नव्या गोष्टीला प्रारंभ करणे, खूप शुभ मानले जाते.

मराठी नववर्षाची सुरुवात म्हणजे गुढीपाडवा. महाराष्ट्रात सर्वत्र चैत्र शुक्ल प्रतिपदेच्या दिवशी गुढीपाडवा साजरा केला जातो. तर साडेतीन शुभ मुहूर्तापैकी एक म्हणजे गुढीपाडवा असल्याने हा दिवस अतिशय शुभ मानला जातो. या कोणत्याही नव्या गोष्टीला प्रारंभ करणे, खूप शुभ मानले जाते.

खरंतर गुढीपाडवा भारतातील वेगवेगळ्या भागात वेगवेगळी नावे असणारा एक प्रमुख सण आहे. दक्षिण भारतातील लोक या सणाला उगादी म्हणतात. तर इतर वेगवेगळ्या ठिकाणी गुढी पाडवा संवत्सर पाडो, चेती, नवरेह अशा नावांनी ओळखला जातो. दरम्यान “या वर्षी गुढी पाडव्याच्या दिवशी शालिवाहन राजाने सुरू केलेले शालिवाहन शके १९४५ सुरू होत आहे”, अशी माहिती पुरोहित कृष्णात यांनी दिली आहे.