छत्रपती शिवरायांच्या घोड्यांची नावे माहिती आहेत?

छत्रपती शिवाजी महाराजांच्या अनेकविध गोष्टी आजही समाजाला प्रेरणा देतात. लोकमान्य टिळकांनी छत्रपती शिवाजी महाराजांची प्रेरणा घेत स्वातंत्र्य संग्रामात सहभागी झाले. तरुणांची मोट बांधण्यासाठी छत्रपती शिवाजी महाराज जयंती उत्सव साजरा करण्याची प्रथा सुरू केली. छत्रपती शिवाजी महाराजांचे जीवन एका आख्यायिकेप्रमाणेच असल्याचे भासते. जाणून घेऊया छत्रपती शिवाजी महाराजांबद्दलच्या काही रंजक गोष्टी…

केवळ महाराष्ट्र किंवा भारतातच नव्हे, तर संपूर्ण जगभरात छत्रपती शिवाजी महाराजांचे नाव आदराने घेतले जाते. अनेक विद्वान, तत्त्वज्ञ, इतिहासकार छत्रपती शिवाजी महाराजांवर अभ्यास करण्यासाठी भारतात येतात. १९ फेब्रुवारी रोजी सुमारे १११ पेक्षा जास्त विविध देशांमध्ये छत्रपती शिवाजी महाराजांची जयंती साजरी केली जाते.

छत्रपती शिवाजी महाराजांकडे अनेक जातीवंत घोडे होते. छत्रपती शिवाजी महाराज घोड्यांचा वापर निर्णायक प्रसंगी करत असत. छत्रपती शिवाजी महाराजांनी अनेक मोहिमांमध्ये घोड्यांचा वापर नेमकेपणाने केला. छत्रपती शिवाजी महाराजांकडे मोती, विश्वास, तुरंगी, इंद्रायणी, गाजर, रणभीर, कृष्णा असे सात घोडे होते. कृष्णा या पांढऱ्या घोड्यावर छत्रपती शिवाजी महाराज राज्याभिषेकानंतर बसले होते. सुरतवर चढाई, आग्र्याहून सुटका अशा मोहिमा मासल्यादाखल देता येतील.