बहाद्दराने थेट अमेरिकेतून बियाणं आणलं.. आता एक हजार रुपये किलो ने विकतोय..

शेतीमध्ये गेल्या काही वर्षांपासून सातत्याने शेतकऱ्यांना तोटा सहन करावा लागत आहे. नैसर्गिक आपत्तीमुळे शेतकऱ्यांना शेतीमधून अपेक्षित उत्पादन मिळत नाही शिवाय बाजारात शेतमालाला चांगला भाव मिळत नसल्याने शेतकऱ्यांची दुहेरी कोंडी या ठिकाणी होत आहे. अशा परिस्थितीत शेतीमध्ये बदल करणे आणि बाजारात अधिक मागणीमध्ये असलेल्या पिकांची शेती करणे गरजेचे बनले आहे.

जामखेड तालुक्यातील त्यांचं गाव तसं पाहायला गेलं तर कमी पर्जन्यछायेचा प्रदेश; पण महेंद्र बारसकरांचा नादच खुळा.. त्यांनी थेट रशियातून एक बियाणं आणलं..

चिया सीड्स या औषधी पिकाची शेती सुरू केली आहे. विशेष बाब म्हणजे या पिकाची शेती या शेतकऱ्यांसाठी फायदेशीर ठरली असून एक लाख रुपये प्रति क्विंटल या दराने चिया सीड्सची विक्री या शेतकऱ्यांच्या माध्यमातून केली जात आहे. कर्करोगाला रोगप्रतिकारक शक्ती असलेलं.. कॅल्शियमचं अधिक प्रमाण असलेलं हे धान्य बाजारात एक हजार रुपये किलो या दराने मिळतं.. बारस्करांनी पूर्वीची कसलीही माहिती नव्हती; पण हे बियाणे आणलं.. लावलं..ते उगवलं.. वाढलं.. त्याचं उत्पादन देखील सगळ्यात जास्त घेतलं आणि आता हेच बारस्कर जिल्ह्याजिल्ह्यात जाऊन हेच धान्य १ हजार रुपये किलोने विकत आहेत.

चिया नावाचे धान्य अमेरिकेत जास्त करून खाल्लं जातं. हे श्रीमंताचं अन्न म्हटलं जातं..पण ते आरोग्यास परिपूर्ण देखील मानलं जातं. अगदी दोन ते तीन ग्राम या प्रमाणात हे भिजवलेले धान्य घेतल्यास त्यातून मोठ्या प्रमाणावर प्रोटीन्स, कॅल्शियम व विटामिन्स मिळतात असं सांगितलं जातं. हे धान्य जामखेड सारख्या भागात उगवून, वाढवून ते बाजारात आणण्याचं काम महेंद्र बारस्कर या सामान्य शेतकऱ्यानं केलं आहे.

तुळशीला येणाऱ्या मंजिरीप्रमाणे याचे धान्य आहे. लागवडीसाठी हलकी, भारी कोणतीही जमीन उपयुक्त असल्याची माहिती त्यांनी दिली आहे. विशेष बाब म्हणजे कमी पाण्यात या पिकाची शेती शक्य होते. अगदी एक महिना हे पीक पाण्याशिवाय उभे राहत असल्याचा दावा या शेतकऱ्याने केला आहे.

तसेच या पिकाला वन्य जनावरांपासून कोणतीही हानी होत नाही. याच्या ऊग्र वासामुळे जनावरे हे पीक खात नाहीत. तसेच या पिकावर कोणत्याच प्रकारचा रोग देखील येत नाही. वास्तविक या पिकापासून पाच क्विंटल प्रति एकरी उत्पादन मिळते. मात्र महेंद्र यांनी सेंद्रिय पद्धतीने एका एकरातून दहा क्विंटल एवढे दर्जेदार उत्पादन या पिकाच्या शेतीतून मिळून दाखवले आहे.

बारस्कर यांची पुतणी रशियात वैद्यकीय शिक्षण घेते. त्या ठिकाणी तिने हे सर्व पाहिले आणि आपल्या कुटुंबासाठी रशियातील दवई या भागातून तिने हे बियाणे खरेदी करून गावाकडे पाठवून दिले. बारस्कर यांना देखील फारशी माहिती नव्हती. पण त्यांनी युट्युब सर्च करून याची लागवड पद्धत पाहिली.

त्यांच्याकडेही पाण्याची कमतरता आहे. पण हे पीक कमी पाण्यात येते याची माहिती मिळाल्याने त्यांना हुरुप आला. त्यांनी हे बियाणे लावले. बियाण्याची काळजी घेतली. रोपांची काळजी घेतली आणि प्रती एकरी सात क्विंटल पर्यंत याचे उत्पादन मिळते अशी माहिती त्यांना मिळाली होती. मात्र शेतातील पोताचा दर्जा एवढा चांगला ठेवला की, याचे उत्पादन एकरी दहा क्विंटल मिळाले.

सध्या बारस्कर हे वेगवेगळ्या कृषी महोत्सवांमध्ये जाऊन या धान्याची महती ग्राहकांना पटवून देत आहेत आणि त्यातून हे धान्य विकत आहेत. आत्तापर्यंत त्यांनी १ हजार रुपये प्रति किलो दराने पाच क्विंटल चिया नावाचे धान्य विकले आहे.

एवढ्या महाग दराने हे धान्य लोक कसे घेतील? असा प्रश्न विचारला, तर बारस्कर म्हणाले, दमाने विकेल पण एक हजार रुपयांच्या खाली विकणार नाही. याचे महत्त्व पटवून दिले की लोक घेतात हा माझा अनुभव आहे. आणि तुम्हाला तुमचे उत्पादन विकण्याचा अनुभव किंवा कौशल्य यायलाच पाहिजे.

नक्कीच महेंद यांनी केलेला हा प्रयोग इतरांना प्रेरणा देण्याचे काम करेल. देशातील प्रगतशील शेतकरी महेंद्र यांचा सारखाच नवीन प्रयोग शेतीत करतील. तसेच इतर शेतकरी देखील आता बाजारात कायमच मागणीमध्ये असलेल्या आणि उच्च दरात विक्री होणाऱ्या पिकांची शेती करतील असा आशावाद या निमित्ताने व्यक्त होत आहे.

अशाच शेती उपयोगी माहिती मिळवण्यासाठी आमच्या व्हॉट्स ग्रूप जॉईन करा.
जॉइंट होण्यासाठी इथे क्लिक करा 👇
https://chat.whatsapp.com/CPU3CiLyzxPL76fKOwQHPG